ZAIDI YA WAHITIMU 6300 MWAKA 2023 WASHINDWA WAKOSA SIFA YA KUENDELEA NA ELIMU YA SEKONDARI

Ilibandikwa: January 31st, 2024

Zaidi ya Wanafunzi 6300 waliohitimu elimu ya Msingi mwaka uliopita wameshindwa kufanikiwa kuendelea na elimu ya Sekondari mwaka huu  kutokana kupata alama za chini na kushindwa kukidhi vigezo vya ufaulu wa kuchaguliwa kujiunga na Kidato cha Kwanza.

Katibu Tawala wa mkoa wa Rukwa Gerald Kusaya amezibainisha takwimu hizo wakati wa kikao cha Wadau wa elimu wakifanya tathimini ya maendeleo ya sekta hiyo mkoani Rukwa kwa kipindi cha mwaka 2023/24.

Kusaya alisema wakati wanafunzi hao wakikosa sifa za kujiunga na  Sekondari mkoa bado una nafasi zaidi ya 500 ambazo ziko wazi kwenye shule mbalimbali za Sekondari mkoani humu.