Tahadhari ya ugonjwa wa Ebola -Rukwa

Ilibandikwa: May 18th, 2017

Wananchi mkoani Rukwa wametahadharishwa kuwa makini dhidi ya Ugonjwa wa Ebola ulioripotiwa kuibuka kwenye nchi jirani ya Congo DRC.

Mkuu wa mkoa wa Rukwa Zelote Steven Zelote ametoa tahadhari hiyo wakati akizungumza na Madiwani wa halmashauri zote nne za mkoa wa Rukwa kwenye ukumbi wa RDC siku chache baada ya nchi ya Congo DRC kukumbwa na ugonjwa huo huku mkoa wa Rukwa ukiwa ni mmoja ya mikoa inayopakana nan chi hiyo ihali kukiwa na mwaingiliano mkubwa wa raia wanchi hiyo na Tanzania, hususa katika maeneo ya mwambao mwa Ziwa Tanganyika.

Kwa upande wake Kaimu Mganga Mkuu wa mkoa wa Rukwa Dkt. Emmanuel Mtika amesema licha kuwa hadi hivi sasa hakuna tukio lililoripotiwa kuwepo kwa ugonjwa huo hapa nchini lakini tahadhari inatakiwa kuchuliwa ili Taifa lisiweze kukubwa na madhara ya ugonjwa huo ambao matibabu yake yanagharama kubwa mno.

“Kwanza tukumbuke bado ugonjwa wenyewe hauna kinga wala tiba na kinachofanyika ni kutiba zile homa zinazoonekana kwa mgonjwa huyo na gharama ya kumtibu mgonjwa mmoja ni sawa na bajeti ya mwaka mzima kwa halmsahauri moja hapa nchini.” Alisema Dkt. Mtika.

Alizitaja baadhi ya dalili za ugonjwa huo kuwa ni pamoja namgonjwa kupata, homa kali, kutapika mfululizo, maumivu ya kichwa, kutokwa damu katika kila sehemu ya tundu la mwili wa binadamu nk.

NJIA ZA KUEPUKA UGONJWA HUO. 

• Kuepuka kugusa au kuingiliwa na mate damu, machozi,mkojo, jasho, kinyesi na majimaji mengineyo yatokayo mwilini mwa mgonjwa wa Ebola
• Kuepuka kushughulikia maiti ya mtu aliyekufa kwa ugonjwa wa Ebola, kutoa taarifa kwa uongozi wa kituo cha Afya au hospitali ya karibu
• Kuepuka mila na desturi zinazoweza kuchelewesha kupata huduma muhimu zinazoweza kusababishwa kuenea kwa ugonjwa na kuacha tabia yakuficha wagonjwa majumbani
• Kuzingatia usafi wa mwili kwa kila mtu na kila siku
• Kutoa taarifa kwa viongozi wa serikali iwapo ikitokea kuna mtu anadalili za ugonjwa huo
• Kuwahi tiba katika vituo vya Afya mara unapoona dalili za kupata ugonjwa huo.

MIKAKATI YA MKOA KUKABILIANA NA UGONJWA USIWEZE KUINGIA NCHINI

• Timu za halmashauri zimepangwa kujianda na kuongeza kasi ya ufuatilia wa magonjwa yanayojitokeza
• Kila halmashauri itenge maeneo maalumu kwa wagonjwa iwapo ikijitokeza dalili za ugonjwa huo
• Ukaguzi ufanyike kwa kwa abiria wote wanaoingia kwa njia ya maji na magari Ziwa na nchi kavu
• Jamii iendele kuelemishwa
• Idara ya uhamiaji ishirikiane na Halmsahauri kwa kufuatilia wagonjwa wote wanaoingia mkoani humo mhususan kutoka nchi jirani ya Congo DRC
• Halmashauri itenge vifaa japokuwa vilivyopo havitoshi
• Halmashauri Vijarida visambazwe na kutoa elimu kwa wananchi

NB. Wananchi wanashauri kutokuwa na hofu kwani hadi hivi sasa hakuna mtu yeyote aliyebainika kuwa na ugonjwa huo japokuwa tahadhali zinahitajika kuchukuliwa kwa kiasi kikubwa.