RAS MPYA

Ilibandikwa: June 9th, 2021

Katibu Tawala wa mkoa wa Rukwa Denis Bandisa amesema amekuja mkoani Rukwa kwaajili ya kushirikiana na watumishi wengine wa serikali ili kuhakikisha maendeleo yanapatikana kutokana uongozi wa Mkuu wa mkoa Joseph Mkirikiti.

Akizungumza katika hafla fupi ya makabidhiano ya ofisi na aliyekuwa Katibu Tawala wa awali Bernard Makali ambaye amestaafu, Bandisa alisema kuwa anaamini kuwa watumishi walilelewa vyema na Katibu Tawala aliyemtangulia, hivyo atashirikiana nao katika kuhakikisha kasi ya maendeleo ya mkoa inapatikana kupitia miradi mbalimbali itakayotekelezwa.

Kwa upande wake Makali aliwashukuru watumishi wote wa kada tofauti ndani ya mkoa huo ambao alishirikiana nao katika kipindi cha miaka minne alipokuwa akifanya kazi kabla ya kustaafu.