PACT yatoa msaada wa kompyuta kwa Manispaa ya Sumbawanga

Ilibandikwa: August 4th, 2017

Halmashauri ya Manispaa ya Sumbawanga imepokea msaada wa kompyuta moja kutoka kwa Shirika la PACT kwaajili ya kusaidia shughuli za mawasiliano na kuhifadhi data kwa moja ya Idara za Manispaa hiyo.

Msaada huo ulikabidhiwa na Mwakilishi wa PACT mkoani Rukwa ambaye pia ni Mkurugenzi wa SHIDEPA mkoa hapa Bw. Godfrey Mwikala ambaye alisema kutolewa kwa kompyuta hiyo kunalenga kuisaidi Idara ya Maendeleo ya Jamii katika Manispaa hiyo ambayo inachangamoto nyingi za vifaa kama hivyo.

Kwa upande wake akizungumza mara baada ya kupokea msaada huo Mkurugenzi wa Manispaa ya Sumbawanga Bw.Hamidu Njovu licha kuwashukuru PACT lakini pia alisema Idara ya Maendeleo ya jamii kama zilivyo Idara zingine zinakabiliwa na changamoto nyingi za kimawasiliano hivyo kuwaomba wadau wengine kuiga mfano wa PACT kwa kuisaidia Manispaa hiyo.