Mitihani Kidato cha Nne 2020

Ilibandikwa: November 23rd, 2020

Zaidi ya wanafunzi 3700 wa Shule za Sekondari katika Manispaa ya Sumbawanga wameaanza mitihani ya kuhitimu Kidato cha Nne kwa mwaka 2020.

Afisa Elimu Sekondari wa Manispaa ya Sumbawanga Silvester Mwenekitete amesema wanafunzi hao wanaingia kwenye mitihani hiyo wakiwa wamaepata maandalizi ya kutosha na anaamini watafanya vizuri kwenye mitihani hiyo.

Mwenekitete amesema kuwa  maandalizi hayo yanakwenda sanjari na kwa wanafunzi wanaofanya ,mitihani ya Sayansi ambao idadi yao inazidi kuongezeka kila mwaka kutokana na upatikanaji wa maabara kwenye shule nyingi sanjari na vifaa vya masomo hayo.

Amesema hadi sasa takribani asilimia 50 ya shule zote za sekondari kwenye Manispaa hiyo zina vyumba vya maabara za Kemia, Fizikia na Bailojia, kiasi cha kuwawezesha wanafunzi hao kuweza kusoma kwa nadharia na vitendo.