MAZIWA YA SUMBAWANGA MILK YANAPENDWA NA WATU WENGI NANENANE

Ilibandikwa: August 3rd, 2022

Bidhaa ya maziwa Mtindi na Yogati ya kiwanda cha Sumbawanga Milk kilichopo eneo la Kizwite mjini Sumbawanga yanaonekana kuwa na soko kubwa katika maonesho ya Nanenane yanayoendelea kwenye viwanja vya Mwakangaka Jijini Mbeya

Maziwa hayo ambayo yanapatikana kwenye Banda la Maonesho la Manispaa ya Sumbawanga katika lango la Kaskazini la kuingilia katika sehemu ya ndani ya bidhaa Wajasiriamali yamekuwa yakinunuliwa na wateja wengi wanaofika kwenye eneo hilo na kuusifia ubora wake.

Akizungumzia maziwa hayo mmoja ya Wanakikundi wanaozalisha bidhaa hiyo Lucy Msimba amesema watu wengi zaidi wamekuwa wakizipenda Yogat wanazozitengeneza, zaidi wanapozitumia hawaamini iwapo zinatengenezwa Sumbawanga.

“Tangia tuanze maonesho siku ya Jumatatu kila siku hakuna siku ambayo mzigo unalala, watu wamekuwa wakizichangamkia bidhaa zetu kutwa nzima”.alisema

Maziwa hayo ambayo huuzwa kwa bei ya Shilingi 500 kwa mtindi na Yogat ni Shilingi 1000 imeelezwa kupendwa kulingi na ubora wake, sanjari na ladha tamu kutokana maziwa halisi ya ng’ombe wanaofugwa katika Manispaa ya Sumbawanga.