MADIWANI MANISPAA SUMBAWANGA WAENDA IRINGA KUJIFUNZA KUHUSU MAPATO

Ilibandikwa: August 11th, 2023

Halmashauri ya Manispaa ya Sumbawanga imefanya ziara ya siku moja katika halmashauri ya Manispaa ya Iringa kwaajili ya kujifunza mambo mbalimbali ya kiutendaji.

Ziara hiyo ilijumuisha Madiwani, Wataalamu wa CMT,Watendaji wa Kata, Mwakilishi wa ofisi ya Mkuu wa wilaya ya Sumbawanga na Katibu wa CCM wilaya ya Sumbawanga Mjini.

Maeneo yaliyotembelewa yalikuwa na lengo la kujifunza namna nzuri ya ukusanyi mapato katika halmashauri kupitia stendi yao ya mabasi, machinjio, soko la Machinga la Mwamwindi eneo la Mlandenge, usafi wa mji na utunzaji wa mazingira na namna bora  ya kuendesha Stendi ya mabasi ya mabasi iliyopo nje ya mji katika eneo la Igumbilo.

Nje ya maeneo hayo msafara huo wa Madiwani wakiongozwa na Mbunge wa Jimbo la Sumbawanga mjini Aesh Hilaly ambapo walitembelea pia Jengo la Makumbusho lilipo eneo la Boma mjini Iringa sanjari na Jengo  la Shujaa Mkwawa huko Kalenga kwa lengo la kujifunza historia ya mkoa wa Iringa.

NOTE: Picha matukio tazama kwenye Slideshow hapo juu