KATA YA MAZWI WAZINDUA KAMPENI YA USAFI

Ilibandikwa: November 25th, 2023

Mkuu wa Divisheni ya Utawala na Rasilimaliwatu Manispaa ya Sumbawanga Kulanga Kanyanga amewataka wananchi wa Manispaa hiyo kuzingatia sheria za usafi ikiwa ni pamoja na kulipa ada ya taka kwa kila kaya kwa mwezi.

Hayo aliyasema wakati akizungumza na wananchi wa Sumbawanga katika uzinduzi wa Kampeni ya usafi uliofanyika Novemba 25 katika kata ya Mazwi.

Aidha Kanyanga amepongeza jitihada za viongozi wa kata hiyo kwa kuhakikisha kampeni ya usafi inafanikiwa.

Kwa upande wake Mtendaji kata ya Mazwi Sada Kimanta  alisema   malengo na mipango iliyowekwa  ni kuhakikisha mazingira ya kata hiyo yanakuwa safi muda wote huku akitanabaishi Kampeni hiyo inakwenda kwa Kaulimbiu isemayo “Mazwi ng’ara usafi wa mazingira unaanza na mimi na wewe”